आठवणी...

 

आठवणी

आठवणी त्या तुझ्या आणि माझ्या
आठवणी त्या बागेतल्या
आठवणी त्या वेळेच्या
सोबत घालवलेल्या क्षणांच्या
आठवणी त्या दुःखाच्या
आठवणी त्या सुखाच्या
आठवणी त्या तुझ्या आणि माझ्या

बाबा सांगायचे नेहमी
अनमोल असतात या आठवणी
ज्या फक्त आठवतात
कधी हसवतात तर कधी रडवतात
तरीही सोबतच असतात
आठवणी त्या तुझ्या आणि माझ्या

आठवत का ग आई ,
गावी जायला आपण केली होती खूप घाई
मग आठवलं , एक गोष्ट राहिलीच मेन
तू झालीस खूपच बेचैन
विसरलो होतो बॅग सामानाची
वेळच आली पंचायतीची
अजूनही आठवत ते मला
अन हसू येते
कितीही विसरायचा प्रयत्न केला ना तरी हि आठवण मात्र मनात घर करून जाते
आठवणी त्या तुझ्या आणि माझ्या

समुद्र किनाऱ्यावर बसले होते निवांत
तेथे खूप होता एकांत
तरीही एकजण माझ्या मनात येत होती
देत होती मला नकळत त्रास
आजूबाजूला आहे ती
असा होत होता भास
नंतर समजलं त्रास देणारी आठवण होती
तिचा त्रास सुखद होता
नकळत थोडा दुःखद होता
आठवणी त्या तुझ्या आणि माझ्या

एकांतात एकटेपणा वाटून न देणारी
आठवण अजूनही तशीच आहे
सुखातही हळूच डोकावून दुःखाची
चाहूल देणारी आठवण अजूनही तशीच आहे

ती मी विसरु शकत नाही
आणि ती मला विसरूही देणार नाही
अशी कठोर मनाची आठवण अजूनही तशीच आहे

आठवणी त्या तुझ्या आणि माझ्या
सोबत घालवलेल्या क्षणांच्या
कधी सुखाच्या तर कधी दुःखाच्या
आठवणी त्या तुझ्या आणि माझ्या